ҳ̸Ҳ̸ҳ•♥الخيمة الرمضانية ♥•ҳ̸Ҳ̸ҳ
هلا ومرحبا بجميع الزوار والاعضاء الرساله دى تشير ان انت لسه مسجل فى المنتدى يجب تسجيل الدخول ونتمنا لك اجمل واحلا الاوقات معنا شله روشه

ҳ̸Ҳ̸ҳ•♥الخيمة الرمضانية ♥•ҳ̸Ҳ̸ҳ


 
الرئيسيةالتسجيلدخول
عزيزي آلزآئر** العضــو

لـَاننآ نعشق آلتميز و آلمميزين يشرفنآ آنضمآمك معنآ
وحينمآ تقرر آن تبدآ معنا 
ينبغي عليك آن تبدآ كبيرآ .. فآلكل كبيرُُ هنآ .
وحينمآ تقرر آن تبدآ في آلكتآبه ..  فتذكر آن المنتدى
يريدك مختلفآ .. تفكيرآ .. وثقآفةً .. وتذوقآ .. فآلجميع هنآ مختلفون ..
نحن ( نهذب ) آلمكآن ، حتى ( نرسم ) آلزمآن !!
لكي تستطيع آن تتقن [ بمشآركآتك وموآضيعـك معنآ ]..
آثبت توآجدك و كن من آلمميزين..


شاطر | 
 

 والله هقعد فى البييييييييييت

اذهب الى الأسفل 
كاتب الموضوعرسالة
abo ali just one
الفرعون الصغير
avatar

عدد المساهمات : 450
السٌّمعَة : 15
تاريخ التسجيل : 18/03/2010
العمر : 24
الموقع : man.best45@yahoo.com

مُساهمةموضوع: والله هقعد فى البييييييييييت   29/05/10, 12:16 pm

صباح/ مساء الخير عليكم جميعا


ازيكم عاملين ايه


ندخل فى الموووضوع على طول




- طابور العيش


شعبنا الجميل ده معروف بالطاوابير دايما , أعتقد أ يعنى ان معظم المصريين قد وقفوا فيه (فعشان تاخد الجنسية المصرية ممكن تقف في طابور العيش يوميا لمدة أسبوع , وبعد كده ممكن نديك الجنسية - أي خدمة يا عم - ) , وسهل قوي تعرف مكان أي فرن في مصر ( فبمجرد ما تشوف دخان طالع من مدخنة وجنبيه خناقة يبقي ده أكيد فرن يامعلم ).


ويتكون طابور العيش في مصر من عدة أجزاء رئيسية :-






1- طابور رجالي بالطول ( لو كان صاحب الفرن راجل منظم ) .


أو طابور رجالي بالعرض ( لو كان صاحب الفرن ملوش في النظام والكلام الفارغ ده ) , فتلاقي جماعة متكومين عند الشباك , بتاع8 ولا 9 اتنين منهم بيشتروا وتلاتة ماسكين في خناق بعض ,واتنين بيحوشوا واتنين يبتفرجوا , أما الحريم فنصهم بيصوت والنص التاني بيشجع ,وتلاقي واحدة تقول لزميلتها إلي واقفة قدامها :


- أطيعة يا أختشي , يقطع الرجالة وسنينهم السودة , هي الواحدة مننا كل متتطلع بره البيت تلاقي الرجالة ماسكين في خناق بعض , مش كفاية الضرب إلي بياخدوه جوه البيت .


- يا ختي بلا نيلة , هما ينفع معاهم غير كده.





2- طابور حريمي ( ويحتوي علي عدد كبير من النساء , والزي الرسمي لهم هي العباية السودة , وممكن يشذ عن القاعدة دي كم واحدة كده من الاطفال أو الشابات ) , وتمتلك كل واحدة منهن سارينة أعلي من صوت سارينة الاسعاف والتي تعمل أوتوماتيكيا بمجرد حدوث أي مشادة بينها وبين أي من زميلاتها في الطابور, ولا مانع من استخدام أسلحتها الاخري من شد الشعور والعض وغيرها من أسلحة المرأة الفتاكة وأيضا السلاح الابيض.



نشوف بقى بعض الشخصيات إلي ممكن تشوفها في فرن العيش :




- رجل عنده 60 سنه من عمره , وبيتسلى كل يوم انه يقف فى طابور العيش, فقد يأخذ معه أحد جرائد المعارضة ويظل يقرأها طوال الطابور وقد يندمج في أحد المرات مع أحد العناوين الحماسية للجريدة ويصرخ في صاحب الفرن (ياريس........ يا ريس مشي من الطابور يا ريس , كفاية بقى كوسة ومحسوبية احنا واقفين من زمان قوي وساكتين وأنتوا مش معبرنا ............ رغيف العيش يا ريس بقى كله حديد ومسامير .............ياريس أنا رجل عجوز مش قادر أقف في الطابور..............يا ريس ..... يا ريس .........هاتلي بنص جنيه عيش ) .




_ عيل صغير وتلاقيه عيل رخمه امه متوحمه عليه متعرفش على ايه (زعبوط العفريت) تلاقيه واقف يتنطط وراك يجى قدامك يعدى من تحت رجليك (يابنى اتهد ربنا يهدك طيب هنططه دلوقتى شكلى) شويه وتلاقيه ماسك عيل زميله وفارمين بعض ياله أيشكى يولعوا بجاز
وبعد مايخلص خناقه تلاقيه ماسك جنيه وعمال يعمله قرطاس يعمله مركب ويحطه على دماغ راجل اقرع ولا حاجه
هههههههههههههههه وممكن تلاقيه مرة عمال يعيط ويقولك ( عمو ..........عمو........عمو , ماما بعتتني أجيب بنص جنيه عيش , بس وأنا جاي الشيطان وزني واشتريت كيس قلبظ ......... ونبي يا عمو أمي هتموتني لو مجبتش العيش ونبي يا عمو اتبرعلي بنص جنيه و أنا هبطل أكل قلبظ تاني ) .



_شب عشرين خمسه وعشرين سنه كده تلاقيه جاى ويبص للطابور كده بصه . ويقول ولالالالالا ياحموووو (ايه ياحاج مالك ) متعرفش وشغال انت يالا ياحمووووووو رد عليا يالا
أتارى حمو ده واحد صحبه وشغال فى الفرن يقول هااات بجنيه عيش ياعم انا واقف بقالى 10 ثوانى فى الطابور....متجيب يا عم العيش خلينا نشوف مصالحنا , فيرد الواد حمو والصداقه واخده .. طاب هات القفص بتاعك يامعلم
.معيش قفص ياحمو اتصرف..
- طب بعد إزنك كده يا كابتن , إدي الاستاذ ده العيش ده
ويصرخ الموجودين في الطابور ( الله يخرب بيوتكو , احنا واقفين من الصبح , ما تمشي من الطابور يا حمو) , ويغض حمو الطرف عن كلام الواقفين مرددا في سره ( دا صاحبي وحبيبي , إزاي أسيبه في وقت زنقته يعني؟! ) طاب ياسيدى ربنا يخليكوا لبعض






وفى نوع رخم بقى من الناس تلاقيه داخل كده وماشى ويجى يسيب الطابور ويجى من ورا كده ويقف جمب الشباك.تقوله ياستاذ في طابور , فيهرش في دماغه كده وييجي يتكلم لكن الخط عنده مبيجمعش...........فتنادي عليه تاني : يا أستاذ الطابور .......... فيعمل نفسه خارج نطاق الخدمة أو ربما يكون مغلقا........ وشوية كدة تلاقي الشبكة عنده بقت خمس شرط, وميل ناحيتك ويبدأ يقرب من الطابور ويقولك بقي وهو مندمج وبيستعبط : يا نهار أبيض الطابور ده مش عاوزيمشي ليه , بيقولو إن الكهربا أطعت .....(يابن الرخمه) ومش عارف ليه دايما الراجل ده بيكون أقرع ...


وتلاقيه بيقول حاجة غريبة قوي الواحد كل مايقف في الطابور الكهربا تقطع , وقبل ما يكمل كلامو يكو ن جاب العيش إلي هو عاوزو .


كان معكم اخوكم تيتو من أمام أحد الافران المصرين
والله هقعد فى البيت خلاص ياما هبيع عيش
ياله عييييييييييش
الرجوع الى أعلى الصفحة اذهب الى الأسفل
http://man.best45@yahoo.com
 
والله هقعد فى البييييييييييت
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ҳ̸Ҳ̸ҳ•♥الخيمة الرمضانية ♥•ҳ̸Ҳ̸ҳ :: شله روشه للتسليه والترفيه :: نكت وفوازير-
انتقل الى: